الرئيسية
من طرف السلام عليكم
ازيكم يابنات الطريقة دى منقولة وللامانه بفكر اجربها
بس فى الاجازة ان شاء الله لما نخلص من اللى احنا فيه انا نقلتلكم الموضوع كله
عشان مش تقولوا مألفه حاحة
>>>>>>>>>>>>>>>>>>>>>>>>>>>>>>>>>>>>>>>>>>>
شوفو بقى الوصفة دى قالت لى عليها بنوته كنت قابلتها فى مول طلعت حرب
بس معلش استحمله الريحه لكن النتيجة ممتازة وعن تجربة
هى عبارة عن راس تومه تقشريها + وحزمة جرجير مغسولة كويس ومقطعه كلها على
بعضها + اى زيت نوع زيت عندك تحبيه انا حطيت زيتون
الطريقة:
تفرميهم فى الخلاط كويس جدا جدا وتصفيه كويس
وبعد ماتغسلى شعرك تاخدى على اطراف اصابعك وتدلكى فروة راسلك وخصوصا الاماكن
الفارغة من الشعر ولكن برفق وتحطى كويس جدا على الفروة وبعدين بقيت الشعر
وتلفى شعرك كويس وتحطى كيس او بونيه على راسك وممكن تعملى بفوطة فى ماء ساخن
على راسك لمدة تلت ساعة او تربط ايشارب وتسيبيها حوالى 4 5 ساعات
وتعمليها مرتين او تلاته فى الاسبوع
هيحصل ايه بقى اقولك
1- تساقط الشعر باذن الله هيقل جدا جدا جدا
2- قشرة مفيش + تغذية الشعر
3- انبات شعر فى المناطق الفارغة واللى جيه فيها صلع
4- هتلاحظى شعرك ماشاء الله طول
5- هتلاحظى طراوة فى شعرك ونعومة وصحه ولمعان
*وحذارى حذارى الخلطة تيجى عند اى مكان فى وشك او جسمك لان فعلا بتنبت شعر جامد
ودا اللى حصلى لما جات عند وشى ورقابتى اهىء اهىء اعمل ايه فى نفسى بس
*هتلاحظى فى اول مرة او اتنين تساقط شعر متخافيش دا الشعر الضعيف والتالف
هينزل وهتنبت لك غيره اقوى واحسن
شوفو بقى البنت اللى قالت لى عليها قالت ان شعرها كان عند كتافها وخلال شهر
وصل نص ظهرها - وانا شخصيا شعرى كان تحت كتفى بشوية ووصل قبل اخر ظهرى
بشوية بس للاسف طوله مكانش باين لانه كان خفيف ودا طبعا لان شعرى ضعيف جدا جدا
ومفهوش ريحة الغذى رغم ان الخلطة عملت معاه اللى عليها وزيادة بس اعمل فيه
ايه بس شعرى ومضطره اتحمله واحاول معاها محاولات باسه
المهم انا كمان قولت لصحبتى عليها وكانت بتعمل الميزو سيرابى وطبعا خليتها تسيبه
وتعملها وفعلا جات تشكرنى عليها جدا لان غير انه نبت لها شعر لاحظت طوله ونعومته
انا عارفه طولت عليكم بس حبيت افيكم لما لاقيت كتير بيساله عن حاجة لموضوع
الصلع دا والكلام دا عن تجربة شخصية لانى انا كان فى مقدمة راسة من اثر الصلاة
فالمكان اتنحل بس دلوقتى تمام الحمد لله
ان شاء الله تستفيدوا يابناااااااااااااااات
وانا عن نفسى سمعت الموضوع دة كتير بامانه وناوية اجربه ان شاء الله
