الرئيسية
من طرف 
حلاوة بنات المنصورة"ست البنات الاموره الاصل احلى من الصوره"
"سالتها الحلوه منين قالت انا مالمنصوره"
يــــــــــــا ...يــاست البنات
بصفتى بنت المنصورة الباره وهى بلدى الصغنن اللى بحبها جدا
حبيت اوضح بس ليه ....
كل بنت جميلة بتتسأل انتي منين
ويا سلام لو قالت انها من المنصورة
هتنفجر في وجهها قنبلة من اللإعجاب والمديح
يا ترى لية...... لية مشهور ان بنات المنصورة حلوين
بصراحة لو حد نزل هيشوف ان تقريبا كل البنات الي بيشوفهم في
الشارع او الأماكن العامة حلوين اوي وشيك اوي دا بجد
من خلال مقالة مكتوبه في الجريدة الصادرة عندنا فى جامعة المنصورة
كانت بعنوان حلوة بنات المنصورة
والي من خلالها اتكلم المؤرخ والاستاذ الكبير طلعت اسماعيل
وارجع جمال بنات المنصورة للأربع اسباب ؟::::::
الأول :
هوة وجود المماليك والأتراك واشتهارهم بجمالهم
ومعروف انهم تواجدوا في مصر لفترة طويلة وخصوصا ان في المنصورة
كانت بنات العائلات بتتباهى بتزويج بناتهم من المماليك.
الثاني :
ان هناك عائلات في المنصورة بتنتمي لأصول تركية
ودا ناتج عن ثرائها وبالتالي كانت بتناسب الأتراك
الي هما في الوقت دا كانوا السلطة الحاكمة والأثرياء
ء كانوا شرائح كبار الموظفين والعلماء والتجار
الثالث:
الحملات الصليبية من الفرنسين الي انصهروا في المجتمع المنصوري
بعد فشل حملة لويس وخصوصا ان منهم كتير عاشوا فيها واعلنوا اسلامهم .
الرابع :
ان معظم اغنياء المنصورة سواء تجار او اصحاب نفوذ
كانوا بيفضلوا الزواج من الأجنبيات يونانيات او ايطاليات
لدرجة ان الجالية اليونانية كانت اعدادها كبيرة بعد اللإحتلال البريطاني
وايضا زواجهم من التركيات الشركسيات الجميلات
عارف ان فى بنات فى منتهى الجمال مش من المنصورة
وتحيتى لبنات منتدانا كلهم
جميلات الشام والعراق و الخليج و روح المغرب العربى
وشياكه القاهرة و دلع بنات بحرى و شقاوة بنات مصر كلهم
بس انا جايبه لكم الأسباب التاريخية لجمال بنات المنصورة و كلام علمى
غير كده وكده بقى انا بأكدلكم ان احلى بنات هى بنات المنصورة
اتمنى ان شباب وبنات المنصورة يؤيدونى
....وصدقونى....
"ان الاصل احلى من اى صورة ......و ست البنات اكيد من المنصورة "
